ASERA kompaniyasi GiantKONE by KONE (GiantKONE Elevator Co., Ltd.) ishlab chiqarish maydoniga tashrif buyurdi va O‘zbekistonga lift uskunalarini yetkazib berish bo‘yicha kelishuv imzoladi.

Uchrashuv davomida biz yo‘lovchi va yuk liftlari, eskalator hamda travolatorlarning to‘liq ishlab chiqarish sikli bilan yaqindan tanishdik. Shuningdek, uskunalar butlovchi qismlarini mahalliy normativlarga moslashtirish, logistika hamda Toshkent va viloyatlarda «tayyor holda» (turnkey) servis xizmatini ko‘rsatish masalalarini muhokama qildik.

GiantKONE kompaniyasi KONE Corporation ning amaldagi 100% nazorati ostidadir (qo‘shma korxona ulushlari bosqichma-bosqich sotib olingan). Bu esa yuqori sifat standartlari va global texnologiyalardan foydalanish imkoniyatini kafolatlaydi.

Kompaniyaning ishlab chiqarish va servis infratuzilmasi Nanxun (Huzhou, Zhejiang) iqtisodiy rivojlanish zonasidagi zavodni hamda Shanxaydagi korporativ ofislarni o‘z ichiga oladi. Bu esa yetkazib berish muddatlarini aniq rejalashtirish va standart pozitsiyalar zahirasini doimiy saqlab turish imkonini beradi. GiantKONE liniyasi turar joy, tijorat va infratuzilma obektlari uchun yechimlarni, jumladan, mashina xonasiz (MRL) uy liftlari, yuqori tezlikdagi liftlar, eskalatorlar va avtomatik piyodalar yo‘laklarini qamrab oladi.

Bu O‘zbekistondagi buyurtmachilarga nima beradi?

• Aniqlik: Uskunalarni shaxta o‘lchamlari va obekt arxitekturasiga (jumladan, kabina va panel dizayniga) mos holda to‘g‘ri tanlash;

• Integratsiya: Kirishni nazorat qilish va dispetcherlik tizimlari (shu jumladan, LKDS) bilan integratsiya qilish hamda ASERA’ning reglamentli servis xizmati;

• Ishonchlilik: Toshkent va viloyatlardagi loyihalar bo‘yicha kelishilgan muddatlar va shaffof hamkorlik shartlari.